ملخص الأحد من قبول حلقة جامدة جدا و مضحكة اوى
أم راشد تعمل اكل لرازية و تحط فلفل حار جدااااااااا و رازية لسانها اتحرق ههههه . الممرضة تقول انها هتلغى الموعد مع الدكتور لأن تانفير مش موجودة و زويا فضلت تتصل بيها بس ماردتش . اسد يصدم لما يلاقى ايان بالبيت و يفتكر كلام ايان القاسى معاه . ايان يقول ان اللى قاله فروز كان كدب . و يحاول يشرح لدلشاد انه ملعملش شئ ولا قال هاد الشى . اسد يدخل على اوضته و ايان يجرى وراه بس اسد يقفل الباب فى وشه . ايان تحطم و غادر البيت . زويا تتصل باسد و تقول ان تانفير اختفت و تقول انها راحت ترد على مكالمة ومارجعتش . فى اليل تعود زويا و تفتكر ان اسد هيغضب منها لأنها فقدت تانفير بس تتفاجئ لما تشوف تانفير و تسألها راحت فين وليه و تانفير تقول انها عاوزة تسأل نفس الشئ لزويا .و تقول انها خلصت المكالمة و رجعت مالقتهاش و اسد منزعج من زويا لأنه فاكر انها غلطتها . و يقول لزويا انها مش قادرة تعمل مهمة صغيرة ويقول لتانفير انه هيوصلها أى مكان بعد كدة .
تانفير تساعد دلشاد و زويا تغار منها . تانفير تعمل اختبار حمل و زويا تدخل عشان ترجعلها الكتاب و تعتذر عن سوء التفاهم و تانفير تخبى الجهاز فى الغسيل و زويا بتكلم تانفير الغسالة اخدت اللبس و اتصدمت تانفير و جريت وراها و جهاز كشف الحمل وقع على الطرابيزة و تانفير شفته . بس اسد يسالها ان كانت عاوزة حاجة و تقول لا و زويا تسأل تانفير ان كان حد خبطه على راسه و هو صغير عشان ذكاءه محدود اوى ههههههه و اسد يبتسم وهو ماشى .زويا تعمل سندوتشات مربى لاسد وتقول شافت انه جاى من الشغل جوعان فعملتهم و اسد يضحكلها و اسد يديها العلبة اللى جابهالها و فيها اكلة و زويا تاكل و ييجى كاتشاب على فمها و اسد يديها منديل . رازية تصوت من الاكل الحار و أم راشد ترمى رزاز فى عيونها وترميها فى البسين هههههه . أم راشد تتصل و تقول انهم عاوزين يرفعوا تبرعهم من 11000 ل 51000 و يوصل الجماعة عشان ياخدوا التبرع وتتصدم رازية من رفع التبرع . أم راشد تفضى خزينة رازية من الفلوس . و رازية تروح اوضتها عشان تجيب فلوس بس متلاقيش و تطلب مساعدة أم راشد و أم راشد تقول انها لازم تطلب مساعدة راشد .و راشد يديها فلوس و يقول بس عشان الفقراء و أم راشد تقول قريب اوى هرميكى على الطريق . تانفير تتصل برازية و تقول انها حامل بس رازية متعصبة و توبخها و تقفل فى وشها وتانفير تفتكر انها بتعمل كدة لأنها مش محتاجاها تانى .
زويا تتفرج مع نجمة و دلشاد على فيلم و اسد عدى و شاف لقطة من الفيلم و الابطال سكرانين . اسد يفتكر شوية من اللى حصل لما كان سكران وزويا كمان افتكرت و اتلخبطوا و راحوا غرفهم بسرعة . تانفير راحت بيت رازية عشان تفضح افعالها القذرة بس رازية توقفها و تديها فلوس و تخرجها برأ البيت . اسد فى اوضته عمال يفتكر و متلخبط اوى و فتح الباب عشان يروح لزويا بس قفله تانى و زويا نفس الشئ عمالة تفتكر و كانت هتروح لاسد بس قفلت الباب برده .بعدين الاتنين يفتحوا الباب فى نفس الوقت و الاغنية اللى غنوها اليوم دة فى حد شغلها و افتكروا رقصهم سوا و قبل ماتقول زويا حاجة اسد جرى على اوضته و زويا كمان جريت على اوضتها وحطت أيديها على قلبها . أم راشد حطت على الأرض زيت فاتزحلقت رازية على السلم و أم راشد قالت انها خدت بتارها . تانفير راحت تقابل عمران قالتله انها حامل و عمران اتصدم .
زويا قدمت اكلة لاسد فافتكر الاكلة اللى ادتهاله اليوم دة و رفض ياكل منهأ . وزويا عمالة تحاول تفكر اسد باليلة اللى سكروا فيها بالاكل و لسة هتعمل بلاوي و اسد ياعينى بيتجاهلها .تانفير تروح بيت حسينة عشان تفضح عمران بس رازية تبهدلها و تزقها فتقع العدسات و الناس يضحكوا عليها و العيال يخافوا منها و تانفير تمشى و تقسم انها هتنتقم من رازية بأنها تتجوز اسد عشان يكون عندها سلطة ومال بعدها تقدر تنتقم من رازية . زويا لبست سارى شبه السارى اللى كانت لابساه وهى سكرانة ووقفت قدام بلكونة اسد وقعدت ترقص عشان تفكره و اسد قعد يضحك و كانت هتقع فمسكها بعدين دخل اوضته تانى و زويا رقصت رقصة الفرحة والانتصار رقصها بيضحك و اسد فضل يضحك . تانفير تعمل نفسها بتعيط و تحط راسها على كتف اسد وزويا تشوفهم و تصدم .
رازية تتكلم مع ايان وتقول انه لازم ينفذ الاتفاق اللى بينهم دلوقت . حسينة تأتى للبيت مع عمران و عمران يتكلم مع نكهة . رازية تتكلم انهم لازم يجوزا ايان و اوميرة بس راشد يرفض كلامها . رازية توجه كلامها لايان و تسأله رايه وايان يمشى من الضغط . فى حد يحط سحر اسود فى شنطة شيرين و الكل يخاف و يقولوا مين عمل كدة و شيرين مرعوبة . تانفير كانت مش لابسه العدسات و اسد دخل فجأة فعملت انها بتصلى و تغمض عينها . تانفير تحاول تتقرب من اسد و تروح غرفته وتقول ان حمامها بايظ و تطلب انها تستخدم حمامه فيوافق . زويا تلاقى اسد فى اوضة تانفير و اسد يقول ان الحمام بايظ و زويا تقرر تصلح الحمام فتدخل و اسد يدخل بعدها عشان خايف تعمل مصيبة ههههههههههههه و زويا بوظت الحنفية و المية جت عليها على اسد هههههههههههه بعدين فى الاخر تعرف توقف المية . اسد يروح اوضته عشان يغير و يلاقى تانفير خارجة من الحمام و كان بينشف نفسه وتانفير كانت لسة هتحط أيديها على كتفه بس زويا دخلت فتانفير فشلت فى خطتها احسن .
ليست هناك تعليقات :
إرسال تعليق
سيتم عرض التعليق في حال تم موافقتة من الأدارة